Fact Check
ಕಳೆದ ಕೆಲ ದಿನಗಳಿಂದಲೂ ಸಾಮಾಜಿಕ ಜಾಲಣಾದಲ್ಲಿ ವಿಡಿಯೋ ಒಂದು ಹರಿಡುತ್ತಿದೆ. ಸಿಂಹವೊಂದು ರಾತ್ರಿ ಸಮಯ ಎಚ್’ಪಿ ಪೆಟ್ರೋಲ್ ಬಂಕ್’ನಲ್ಲಿ ಓಡಾಡುತ್ತಿರುವ ದೃಶ್ಯವದು. ಸಿಂಹ ರಾಜಗಾಂಭಿರ್ಯದಿಂದ ಓಡಾಡುತ್ತಿರುವ ದೃಶ್ಯವನ್ನು ಯಾರೋ ಮೊಬೈಲ್’ನಲ್ಲಿ ರೆಕಾರ್ಡ್ ಮಾಡಿದ್ದಾರೆ. ಈ ವಿಡಿಯೋವನ್ನು ‘ಪಾವಗಡದಲ್ಲಿ ಸಿಂಹ’, ‘ಸಕಲೇಶಪುರದಲ್ಲಿ ಕಾಣಿಸಿಕೊಂಡ ಸಿಂಹ’, ‘ಚಿತ್ರದುರ್ಗದಲ್ಲಿ ಕಾಣಿಸಿಕೊಂಡ ಸಿಂಹ’ ಎಂದೆಲ್ಲ ಕ್ಯಾಪ್ಷನ್ ಬರೆದು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.
ಅಂದಹಾಗೆ ಈ ವಿಡಿಯೋ ಕರ್ನಾಟಕದ್ದು ಅಲ್ಲವೇ ಅಲ್ಲ. ಅಸಲಿಗೆ ಕರ್ನಾಟಕದ ಯಾವ ಕಾಡುಗಳಲ್ಲಿಯೂ ಸಿಂಹಗಳಿಲ್ಲ. ಕರ್ನಾಟಕದ ಜೂಗಳಲ್ಲಿ ಮಾತ್ರವೇ ಸಿಂಹಗಳಿವೆ. ಈಗ ವೈರಲ್ ಆರುವ ವಿಡಿಯೋನಲ್ಲಿರುವುದು ಏಷ್ಯಾಟಿಕ್ ಸಿಂಹ, ಈ ಪ್ರಜಾತಿಯ ಸಿಂಹಗಳು ಗುಜರಾತ್’ನ ಹೊರತಾಗಿ ದೇಶದ ಇನ್ಯಾವುದೇ ಭಾಗದಲ್ಲಿ ಇಲ್ಲ. ಹಾಗಾಗಿ ಈ ವಿಡಿಯೋ ಗುಜರಾತ್ ನದ್ದೆ ವಿನಃ ಕರ್ನಾಟಕದಲ್ಲ.
ONDC: ಸ್ವಿಗ್ಗಿ, ಜೊಮ್ಯಾಟೊಗೆ ಠಕ್ಕರ್ ಕೊಡುತ್ತಿರುವ ಬೆಂಗಳೂರು ಹೋಟೆಲಗ ಒಕ್ಕೂಟ
ಕರ್ನಾಟಕದಲ್ಲಿ ಚಿರತೆಗಳು ಕಾಡುಗಳಲ್ಲಿವೆ, ಕೆಲವು ಹುಲಿಗಳು ಸಹ ಇವೆ. ಅವು ತೀರ ಅಪರೂಪಕ್ಕೆ ಹೀಗೆ ಜನವಸತಿ ಪ್ರದೇಶದಲ್ಲಿ ಕಾಣಿಸಿಕೊಳ್ಳುವುದುಂಟು ಆದರೆ ಸಿಂಹ ಕರ್ನಾಟಕದಲ್ಲಿ ಇಲ್ಲ. ಈ ಹಿಂದೆ ಕರ್ನಾಟಕದಲ್ಲಿ ಸಿಂಹ ಇದ್ದ ಬಗ್ಗೆ ದಾಖಲೆಗಳೂ ಸಹ ಇಲ್ಲ ಎನ್ನುತ್ತದೆ ರಾಜ್ಯ ವನ್ಯಜೀವಿ ಇಲಾಖೆ.
ಈಗ ವಿಡಿಯೋಗಳಲ್ಲಿ ಹರಿದಾಡುತ್ತಿರುವುದು ಶುದ್ಧ ಫೇಕ್ ನ್ಯೂಸ್. ಈ ವಿಡಿಯೋ ಕರ್ನಾಟಕದಲ್ಲಿ ಮಾತ್ರವಲ್ಲ, ದಕ್ಷಿಣದ ಇನ್ನೂ ಕೆಲವು ರಾಜ್ಯಗಳಲ್ಲಿ ಸುಳ್ಳು ಮಾಹಿತಿಯ ಜೊತೆಗೆ ಹರಿದಾಡುತ್ತಿದೆ.
