Bigg Boss Kannada
ಬಿಗ್ಬಾಸ್ ಕನ್ನಡ ಸೀಸನ್ 11 ಶುರುವಾಗಲು ವಾರವಷ್ಟೆ ಉಳಿದಿದೆ. ಬಿಗ್ಬಾಸ್ ಸೀಸನ್ 11 ಪ್ರಾರಂಭವಾಗುವ ದಿನಾಂಕದ ಘೋಷಣೆ ಈಗಾಗಲೇ ಮಾಡಿದ್ದಾಗಿದೆ. ಸೆಪ್ಟೆಂಬರ್ 29ರಂದು ಬಿಗ್ಬಾಸ್ ಗ್ರ್ಯಾಂಡ್ ಓಪನಿಂಗ್ ಆಗಲಿದೆ. ಈ ಬಾರಿ ಸುದೀಪ್ ಬದಲು ಬೇರೊಬ್ಬರು ನಿರೂಪಣೆ ಮಾಡಲಿದ್ದಾರೆ ಎನ್ನಲಾಗಿತ್ತು. ಆದರೆ ಅದೂ ಸಹ ಸುಳ್ಳಾಗಿದ್ದು, ಈ ಬಾರಿಯೂ ಸಹ ಸುದೀಪ್ ಅವರೇ ನಿರೂಪಣೆ ಮಾಡುವುದು ಖಾತ್ರಿಯಾಗಿದೆ. ಇದರ ನಡುವೆ ಈ ಬಾರಿ ಯಾರು ಬಿಗ್ಬಾಸ್ ಮನೆ ಒಳಗೆ ಹೋಗಲಿದ್ದಾರೆ ಎಂಬುದು ಕುತೂಹಲ ಕೆರಳಿಸಿದೆ. ಬಿಗ್ಬಾಸ್ ಸೀಸನ್ 11 ಕ್ಕೆ ಹೋಗಲಿರುವ ಸಂಭಾವ್ಯ ಸ್ಪರ್ಧಿಗಳ ಪಟ್ಟಿ ಇಲ್ಲಿದೆ.
ನಟ ಸುನಿಲ್
ಬಾಲನಟನಾಗಿ ಚಿತ್ರರಂಗ ಎಂಟ್ರಿ ಕೊಟ್ಟು ಬಳಿಕ ನಾಯಕ ನಟನಾಗಿ ಸಾಕಷ್ಟು ಹೆಸರು ಮಾಡಿದ ಸುನಿಲ್ ಈ ಬಾರಿ ಬಿಗ್ಬಾಸ್ಗೆ ಹೋಗಲಿದ್ದಾರೆ ಎನ್ನಲಾಗುತ್ತಿದೆ. ಸುದೀಪ್ ಜೊತೆ ಸಾಕಷ್ಟು ವರ್ಷಗಳಿಂದಲೂ ಗೆಳೆತನ ಹೊಂದಿರುವ ಸುನಿಲ್ ಬಿಗ್ಬಾಸ್ ಮನೆಗೆ ಸ್ಪರ್ಧಿಯಾಗಿ ಹೋಗಲಿದ್ದಾರೆ ಎನ್ನಲಾಗುತ್ತಿದೆ.
ಸುಂದರಿ ಸುಕೃತಾ ನಾಗ್
ಅಗ್ನಿಸಾಕ್ಷಿ ಸೇರಿದಂತೆ ಇನ್ನೂ ಕೆಲವು ಧಾರಾವಾಹಿಗಳಲ್ಲಿ ನಟಿಸಿರುವ ಮುದ್ದು ಮುಖದ ಸುಂದರಿ ಸುಕೃತಾ ನಾಗ್ ಸಹ ಈ ಬಾರಿ ಬಿಗ್ಬಾಸ್ಗೆ ಬರಲಿದ್ದಾರೆ ಎನ್ನಲಾಗುತ್ತಿದೆ. ಸುಕೃತಾ ತಮ್ಮದೇ ಆದ ಯೂಟ್ಯೂಬ್ ಚಾನೆಲ್ ಸಹ ಹೊಂದಿದ್ದಾರೆ. ತಮ್ಮ ಮುದ್ದು ಮುಖದಿಂದ ಅಭಿಮಾನಿಗಳನ್ನು ಗಳಿಸಿದ್ದಾರೆ.
ಕಮಿಡಿಯನ್ ಹುಲಿ ಕಾರ್ತಿಕ್
ಹುಲಿ ಕಾರ್ತಿಕ್, ಈಗಾಗಲೇ ಕಾಮಿಡಿ ಶೋಗಳಲ್ಲಿ ಬಹುವಾಗಿ ಗಮನ ಸೆಳೆದಿದ್ದಾರೆ. ಬಿಗ್ಬಾಸ್ನ ಪ್ರತಿ ಸೀಸನ್ನಲ್ಲೂ ಒಬ್ಬ ಕಮಿಡಿಯನ್ಗೆ ಅವಕಾಶ ಕೊಟ್ಟೇ ಕೊಡಲಾಗುತ್ತದೆ. ಅಂತೆಯೇ ಈ ಬಾರಿ ಹುಲಿ ಕಾರ್ತಿಕ್ಗೆ ಅವಕಾಶ ನೀಡಲಾಗುತ್ತಿದೆ. ಹುಲಿ ಕಾರ್ತಿಕ್ ಬಿಗ್ಬಾಸ್ಗೆ ಬರುವುದು ಕನ್ಫರ್ಮ್ ಎನ್ನಲಾಗುತ್ತಿದೆ.
ಆರೋಪಿ ಚೈತ್ರಾ ಕುಂದಾಪುರ
ಹಿಂದೂ ಹೋರಾಟಗಾರ್ತಿ ಎಂದು ಗುರುತಿಸಿಕೊಂಡು ಆ ನಂತರ ಬಿಜೆಪಿ ಮುಖಂಡರ ಬಳಿ ಹಫ್ತಾ ವಸೂಲಿ ಮಾಡಿದ ಆರೋಪಕ್ಕೆ ತುತ್ತಾಗಿ ಜೈಲು ಪಾಲಾಗಿ ಜಾಮೀನಿನ ಮೇಲೆ ಹೊರಗೆ ಬಂದಿರುವ ಚೈತ್ರಾ ಕುಂದಾಪುರ್ ಈ ಬಾರಿ ಬಿಗ್ಬಾಸ್ಗೆ ಬರಲಿದ್ದಾರೆ ಎನ್ನಲಾಗುತ್ತಿದೆ. ಚೈತ್ರಾ ಕುಂದಾಪುರ್ ಬಿಗ್ಬಾಸ್ಗೆ ಬಂದರೆ ಆಟ ಮಜವಾಗಿರುತ್ತದೆ.
ಹಿರಿಯ ನಟಿ ಪ್ರೇಮಾ
ಹಿರಿಯ ನಟಿ ಪ್ರೇಮಾ ಸಹ ಈ ಬಾರಿ ಬಿಗ್ಬಾಸ್ಗೆ ಬರುತ್ತಾರೆ ಎನ್ನಲಾಗುತ್ತಿದೆ. ಒಂದು ಸಮಯದಲ್ಲಿ ಕನ್ನಡ ಚಿತ್ರರಂಗದ ಟಾಪ್ ನಟಿಯಾಗಿದ್ದ ಪ್ರೇಮಾ ಆ ಬಳಿಕ ಚಿತ್ರರಂಗದಿಂದ ದೂರಾಗಿದ್ದರು. ಈಗ ಮರಳಿ ಬಂದು ರಿಯಾಲಿಟಿ ಶೋ ಜಡ್ಜ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ನಟಿ ಪ್ರೇಮಾ ಬಿಗ್ಬಾಸ್ ಶೋಗೆ ಬರಲಿದ್ದಾರೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ.
ನಕಲಿ ದರ್ಶನ್
ನಕಲಿ ದರ್ಶನ್, ಅವಿನಾಶ್ ಸಹ ಈ ಬಾರಿ ಬಿಗ್ಬಾಸ್ಗೆ ಬರಲಿದ್ದಾರೆ ಎನ್ನಲಾಗುತ್ತಿದೆ. ಅವಿನಾಶ್ ನೋಡಲು ದರ್ಶನ್ ರೀತಿ ಕಾಣುತ್ತಾರೆ. ಅವರು ಮಾತನಾಡುವ ರೀತಿಯೂ ದರ್ಶನ್ ರೀತಿಯಾಗಿಯೇ ಇದೆ. ಇವರ ನಡೆ, ಡೈಲಾಗ್ ಕೇಳಿ ಸ್ವತಃ ರಚಿತಾ ರಾಮ್ ಶಾಕ್ ಆಗಿದ್ದರು. ಈಗ ಈ ಅವಿನಾಶ್ ಬಿಗ್ಬಾಸ್ಗೆ ಬರಲಿದ್ದಾರೆ.
ಇನ್ನುಳಿದ ಹೆಸರುಗಳು
ಇವರು ಮಾತ್ರವೇ ಅಲ್ಲದೆ ಇನ್ನೂ ಕೆಲವು ಹೆಸರುಗಳು ಚಾಲ್ತಿಯಲ್ಲಿವೆ. ರೀಲ್ಸ್ ರೇಷ್ಮಾ, ಪದ್ಮಾವತಿ ಧಾರಾವಾಹಿಯ ತ್ರಿವಿಕ್ರಮ್, ಅಮೃತಧಾರೆ ನಟ ಕರಣ್‌ ಕೆ ಆರ್‌, ಫಿಟ್ನೆಸ್ ಎಂತೂಸಿಯಾಸ್ಟ್ ಪವಿ, ಮೋಟೊ ಬ್ಲಾಗರ್ ಟಿಪಿಕಲ್ ಕನ್ನಡಿಗ ಅಥವಾ ಡಿವಿ ಇನ್ ಕನ್ನಡ, ಲಿಪ್ಸಿಂಕ್ ಭವ್ಯಾ, ದೀಪಕ್ ಗೌಡ ಇನ್ನೂ ಕೆಲವರು ಇರಲಿದ್ದಾರೆ ಎನ್ನಲಾಗುತ್ತಿದೆ.
