Royal Enfield
ಭಾರತದಲ್ಲಿ 350 ಸಿಸಿ ಬೈಕ್ ಸೆಗ್ಮೆಂಟ್ನಲ್ಲಿ ರಾಯಲ್ ಎನ್ಫೀಲ್ಡ್ ಅನ್ನು ಮೀರಿಸುವ ಇನ್ನೊಂದು ಬೈಕ್ ಇಲ್ಲ. ರಾಯಲ್ ಎನ್ಫೀಲ್ಡ್ ಹೊಸ ತಲೆಮಾರಿನ ಬೈಕ್ಗಳು ಬಿಡುಗಡೆ ಆದಾಗಿನಿಂದ ಈಗಿನ ವರೆಗೆ ಅಂದರೆ ಸುಮಾರು 10 ವರ್ಷದಿಂದಲೂ ಈ ಬೈಕ್ಗಳು ಮಾರುಕಟ್ಟೆಯಲ್ಲಿ ಮಹಾರಾಜನಂತೆ ಮೆರೆಯುತ್ತಿವೆ. ಆದರೆ ಇತ್ತೀಚೆಗೆ ಅದರಲ್ಲೂ ಕೋವಿಡ್ ಬಳಿಕ ಬಂದಿರುವ ಕೆಲವು ಬೈಕ್ಗಳು ರಾಯಲ್ ಎನ್ಫೀಲ್ಡ್ಗೆ ಟಕ್ಕರ್ ಕೊಡುವ ಪ್ರಯತ್ನದಲ್ಲಿವೆ. ಆದರೆ ರಾಯಲ್ ಎನ್ಫೀಲ್ಡ್ ಎದುರಾಳಿಯಾಗಿ ಫೀಲ್ಡಿಗಿಳಿದ ಎಷ್ಟೋ ಬೈಕ್ಗಳು ಸ್ಪರ್ಧೆಯಿಂದ ಹೊರಬಿದ್ದಿವೆ. ಆದರೆ ಕೆಲವು ಮಾತ್ರ ನಿಜಕ್ಕೂ ಠಕ್ಕರ್ ಕೊಡುತ್ತಿವೆ. ಅದರಲ್ಲಿ ಒಂದು ‘ಮ್ಯಾವರಿಕ್’.
ಹಾಲಿವುಡ್ನ ಬಹು ಜನಪ್ರಿಯ ನಟ ಟಾಮ್ ಕ್ರೂಸ್ನ ‘ಮ್ಯಾವರಿಕ್’ ಸಿನಿಮಾ ನೆನಪಿದೆಯಲ್ಲಿವೆ. ವೈಮಾನಿಕ ಸಾಹಸದ ಕತೆಯನ್ನು ಒಳಗೊಂಡಿರುವ ಈ ಸಿನಿಮಾದಿಂದ ಸ್ಪೂರ್ತಿ ಪಡೆದು ನಿರ್ಮಿಸಲಾಗಿರುವ ‘ಮ್ಯಾವರಿಕ್’ ಬೈಕ್ ಹೆಸರಿನ ತಕ್ಕಂತೆ ಸಖತ್ ಸ್ಟೈಲಿಷ್ ಆಗಿದೆ ಮತ್ತು ಪವರ್ಫುಲ್ ಆಗಿಯೂ ಇದೆ. ಬೆಲೆ ಬಹುತೇಕ ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ 350 ಅಷ್ಟೆ ಇದೆಯಾದರೂ ಅದಕ್ಕಿಂತಲೂ ಹೆಚ್ಚು ಪವರ್ಫುಲ್ ಹಾಗೂ ಸ್ಟೈಲಿಷ್ ಆಗಿದೆ. ‘ಮ್ಯಾವರಿಕ್’ ಬೈಕ್ ಅನ್ನು ಉತ್ಪಾದಿಸಿ ಮಾರಾಟ ಮಾಡುತ್ತಿರುವುದು ಹೋಂಡಾ ಸಂಸ್ಥೆ.
ಜನಪ್ರಿಯ ಹಾರ್ಲೆ ಡೇವಿಡ್ಸನ್ ಎಕ್ಸ್ 440 ಬೈಕಿನಿಂದ ಸ್ಪೂರ್ತಿ ಪಡೆದು ಅದೇ ರೀತಿ ನಿರ್ಮಾಣವಾಗಿರುವ ಹೊಂಡಾ ‘ಮ್ಯಾವರಿಕ್’ ಬೈಕ್, ರಾಯಲ್ ಎನ್ಫೀಲ್ಡ್ಗಿಂತಲೂ ಹೆಚ್ಚು ಸಿಸಿ ಹಾಗೂ ಬಿಎಚ್ಪಿ ಮೂಲಕ ಹೆಚ್ಚು ಶಕ್ತಿಯನ್ನು ಒಳಗೊಂಡಿದೆ. ಹೊಂಡಾ ‘ಮ್ಯಾವರಿಕ್’ ಬೈಕು 440 ಸಿಸಿಯನ್ನು ಒಳಗೊಂಡಿದ್ದು, ರಾಯಲ್ ಎನ್ಫೀಲ್ಡ್ 350 ಗಿಂತಲೂ ಹೆಚ್ಚು ಶಕ್ತಿಯುತವಾಗಿದೆ. ರಾಯಲ್ ಎನ್ಫೀಲ್ಡ್ಗಳು ಭಾರತದ ರಸ್ತೆಗಳಲ್ಲಿ ಎಲ್ಲೆಂದರಲ್ಲಿ ಕಾಣಸಿಗುತ್ತವೆ. ರಾಯಲ್ ಎನ್ಫೀಲ್ಡ್ ಬದಲಿಗೆ ಅದೇ ರೀತಿಯ ಶಕ್ತಿ ಹೊಂದಿರುವ ಬೈಕು ಹುಡುಕುತ್ತಿರುವವರಿಗೆ ಈ ಬೈಕ್ ಅತ್ಯುತ್ತಮ ಆಯ್ಕೆ ಆಗಲಿದೆ.
Two Wheeler: ಈ ವರ್ಷ ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾದ ಬೈಕ್ ಯಾವುದು?
ಶಕ್ತಿಯಲ್ಲಿ ಮಾತ್ರವೇ ಅಲ್ಲದೆ ಹಲವು ವಿಧದಲ್ಲಿ ಈ ಬೈಕು ಉತ್ತಮವಾಗಿದೆ. ರಾಯಲ್ ಎನ್ಫೀಲ್ಡ್ನಲ್ಲಿ ಹಳೆಯ ಮಾದರಿಯ ಅನಲಾಗ್ ಕ್ಲಸ್ಟರ್, ಸ್ಪೀಡೋ ಮೀಟರ್ ಇದ್ದರೆ ಮ್ಯಾವರಿಕ್ನಲ್ಲಿ ಎಲ್ಲವೂ ಡಿಜಿಟಲ್ ಮಯವಾಗಿದೆ. ರಾಯಲ್ ಎನ್ಫೀಲ್ಡ್ ನಲ್ಲಿ ಹೆಡ್ಲೈಟ್, ಟೇಲ್ ಲ್ಯಾಂಪ್, ಇಂಡಿಕೇಟರ್ಗಳು ಹಾಲೊಜನ್ ಆಗಿದ್ದರೆ ಮ್ಯಾವರಿಕ್ನಲ್ಲಿ ಡಿಜಿಟಲ್ ಆಗಿವೆ. ಟೈರುಗಳ ಸೈಜ್ ಸಹ ರಾಯಲ್ ಎನ್ಫೀಲ್ಡ್ಗಿಂತಲೂ ದೊಡ್ಡದಾಗಿಯೂ ಎತ್ತರವಾಗಿಯೂ ಇವೆ. ರಾಯಲ್ ಎನ್ಫೀಲ್ಡ್ನಲ್ಲಿ ಇಲ್ಲದ ಕೆಲವು ಸುರಕ್ಷತಾ ತಂತ್ರಜ್ಞಾನ ಮ್ಯಾವರಿಕ್ನಲ್ಲಿದೆ. ಇನ್ನು ಬೆಲೆ ಸಹ ರಾಯಲ್ ಎನ್ಫೀಲ್ಡ್ ಕ್ಲಾಸಿಕ್ 350 ಯಷ್ಟೆ ಇದೆ. ಹೆಚ್ಚೆಂದರೆ ಒಂದು ಹತ್ತರಿಂದ ಹದಿನೈದು ಸಾವಿರ ಹೆಚ್ಚಿಗಿರಬಹುದು. ಅಲ್ಲದೆ ಭಾರತದಲ್ಲಿ ಲಭ್ಯವಿರುವ ಅತ್ಯಂತ ಕಡಿಮೆ ಬೆಲೆಯ 440 ಸಿಸಿ ಬೈಕ್ ಎಂದರೆ ಅದು ಹೊಂಡಾ ಮ್ಯಾವರಿಕ್ ಮಾತ್ರ.
